Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Ойрасы:
Къарачайны Къобаны.
Минги Тауну кёк къаны,
Алгъышлары къартланы,
Таркъайма минг джылланы!

Джаз башында кемсиз аза,
Къулакъ суудан уяла,
Джайда — боза, къачда — таза,
Къыш болса уа — мияла.

Ойрасы.

Сени сууунг — мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Ойрасы.

Энди халкъым термилмесин
Сенден уртлам уртларгъа!
Ачлыкъ джет и б кюсемесин
Ташларынгы джаларгъа!

Ойрасы.

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Ойрасы.

1979 дж.