Дарий кёлегинг джарашад сеннге,
Сюегинг къол бла къыйгъанча,
Узунингичге дарий хызеннге
Кёлтюрем киштикни джыйгъанча.

Машок башланы тикген ийнеча,
Бардыла сенде бармакъла,
Ачлыкъ джетген кюн чабакъ тутарса,
Аланы этиб къармакъла.

Сени башчыгъынг алай сыйдамды,
Чибин да тайыб тёнгерер.
Тюбю уа къаллайд, къайдан билейим...
Сыйына эсе да сау джер.

Бойну бууулгъан киштикде кибик,
Сенде уа барды эки кёз.
Тобукъларынга джете къолларынг,
Къалгъан джеринге джокъду сёз.

1979 дж.