Джазар кюнле барадыла аз бола,
Элли джылым аягъымдан алгъанды,
Отуз джылны джазыб турдум назмула,
Алай, атым «джаш поэтлей» къалгъанды.

«Джаш поэт» сёз — фахмусузгъа садакъа,
Аны иги билемилле адамла?!
Поэтледе болмайдъша джаш не къарт,
Боладыла игиле бла аманла.

Бу «джаш поэт» деген сёзшо энди мен
Ёлюм сёзге эгаз къарнаш этгенме,
Отуз джылны чыкъмагъанча тюрмеден,
Ийнамымы ахыръша джетгенме.

Базалмайма саулугъума бюгюн мен,
Къарт поэтле, сизге саулукъ теджейме!
Джер бешикге мени бёлей сёлешген. —
Поэт ёлдю деб айтмасын, тилейме.

1987 дж.