Мендеги джюрекден ол юлгю алыб,
Булбул да сеннге джырласын,
Сюйгенинг сенден узакъда къалыб,
Мени ючюн да джыласын.
Джырлау да джашау,
Джылау да джашау,
Мен джырламайма Не джъшамайма.
Сюйгенинг къайтыр, сен болма мишау,
Къууансанг, джырлар, сиздеди джашау...

Мени уа саламым, кёк аязчыкъча,
Ол къутас чачынгы сыласын.
Ахсыннган тылпыуум, акъ булутчукъча,
Салкъынлыкъ орнуна джарасын
Бир исси кюнде,
Тюшде тюл, тюнде,
Ариуум, сеннге,
Себебди меннге...
Къая да беред саламгъа джууаб,
Сен а табарса джууабха сууаб.

Менде уа барды, ой, бир тёзюмлюлюк,
Джангур тюбюнде туз гыртма мен.
Да керек тюлдю да меннге кемсизлик,
Насыб да къачады кемсизден.
Туз гыртча тёздюм,
Тёзюуден бездим...
Джашауду тёзген,
Ёлюмдю безген.
Мен эриген тузгъа да ушайым,
Туз а хантха керекди, джашайым!..

1976 дж.