Къуу сёзлюле джюреклени джаралла,
Къалмагъанды ма бу къралдан магъана!
Ариу бояб, кёзбау этиб салалла,
Чириб тургъан агъачладан багъана.

«Боямагъыз чириб тургъан агъачны,
Багъаналыкъ этер джокъду хайыры!
Балхам этер кибик чирик наратны,
Кюрешсенг да, чыкъмаз дарман-чайыры!

Эшитемисиз, мен джангыны излейме,
Балта алыб, дженглерими къайырыб,
Чирик сауну чиритмезча, айырыб
Агъачланы чириклерин сермейме!» —

Деб къычыргъан болса, аны «кютелле
Атигиле», джашау бермей джанына,
Ахырында «тели юйге» элтелле,
«Тели дарман» иедиле къанына.

1984 дж.