Не эсе да бюпон энтда тутду аманым,
«Сау къал» — дерге джууукълаша болур заманым?
Тенглеримден, джууукъладан ала разылыкъ,
Кетер эдим, берсенг меннге, анам, разылыкъ.

Туудугъунгу джылатсала орамда бирле,
Таныгъанла: «Нек тиесиз ёксюзге?!» — дерле,
Джазыкъсынмакълыкъ джюрекге асыу а болмаз,
АТАМ сёзню анга башха биреу толтурмаз.

Къызчыкълагъа сингиб къала болур ана сыр?
Туудукъчугъунг кимге къараб, атам — деб, айтыр?
Бир бек мыдах джырланады, анам, ма бу джыр,
Алкъын туумагъан джырлагъа къазгъанча къабыр.

Болма, болма, болма, анам, сен меннге разы,
Сеннге сагъыш этмеген, мурдарма — эм азы!
Ёксюзлюкшо сынатырыкъ эки балагъа,
Ана тилде джангы тууа тургъан джырлагъа.

Не эсе да бюпон энтда тутду аманым,
«Сау къал» — дерге джууукълашхан болур заманым?
Тенглеримден, джууукъладан ала разылыкъ,
Кетер эдим, берсе меннге анам разылыкъ.

1987 дж.