Кёб кюрешни, кёб урушну ортасы —
Белорус джер, сахна болуб бушуугъа,
Хар бирини сеннге джете хатасы,
Кёб термилдинг сен азатлыкъ джашаугъа.

Сен не кёрдюнг, не кёрмединг, таджал халкъ?!
Къара кюнде къычырыгъын Хатынъны¹Хатынъ — Белоруссияда эл. 1943-чю джыл, 149 адамы бла бирге бу элни кюйдюрюб къойгъандыла фашистле. 149 адамдан 75 сабийле болгъандыла.
Минг джылдан да джутмаз джели заманны!
Азат болдунг, сен болмазса энди талкъ!

Хакъынг акъъш сёзден урлукъ себген джер!
Кюн таякъча Скорина²Скорина — Георгий Скорина (1490—1535) белорус миллетни кулътурасыны уллу адамы. нюр тёкген джер!
Хар уланынг Талашча³Талаш — Василий Исакович Талаш, 100 джылында фашистле бла уруш этген партизан. бир джашасын,
Джюз джылында джетген джашха ушасын!

Тау Джуртумда болгъанлыкъгъа джанлары,
Миллетимден кёб джигитни санлары
Топурагъынга къошулгъаны амалтын,
Бек сюебиз! Джеринг болсун чий алтын!

1992 дж.