Таугъа, ташха тыя атлар джолларын
Эрмен халкъны, къоймайдыла ёсерге.
Хатер салмай кёлтюрдюле къолларын,
Джакъсыз халкъны миллионун кесерге.

Тынгъшасанг, таджал халкъны тилинде,
Алгъышындан къайгъы сёзю аслам бард.
Айталмайын джарсыуларын кёлюнде,
Аны ючюн чалмы болгъанд Арарат?

Адамла къой, къаршчы болуб табигъат
Кюрешсе да, эталмады сени сер,..
Тирил, джашна, бол Аллахха аманат,
Джарыкълыкъны «таш бешиги» эрмен джер!

Джюрегингде джараланы таблары,
Гарни¹Гарни — бу храм меджисуу заманлада, Исса пайгъамбар туугъунчу, экиджюз джылны алгъа, Еревандан 27 км чакълыны кюн батхан табада ишленнгенди. Джаула ойгъандыла., Звардноц²Звартноц — бу храм 641—661 джыллада Эчмиадзинадан узакъ болмай ишленнгенди. Джаула ойгъандыла. храмларынгда кёрюне...
Сен сайлагъан азатлыкъны, джауларынг
Кёмелсезле залимликни кёрюне!

1992 дж.