Ой, ой Москвада ишленнгенди дейле
Алийни алтын къамасы.
Бир-бирин къучакълаб джан бергендиле дейле,
Ой, Алий бла анасы.

Ой, госпиталда джатмайын, Алий,
Къанлы Тебердиге нек келдинг,
Къазауат этиб бермеген джанынгы
Худжу немчалагъа нек бердинг.

Ауруб ёлгенсе деб тура эдим, Алий,
Окъ джараларынгы джашырыб,
Ой окопагъа атыбмы кетдиле
Къабыр къазаргъа ашыгъыб.

Ауруб ёлгенсе деб тура эдим,
Окъ джараларынгы эшитмей,
Ой окопагъа атыбмы кетдиле
Белинг бла джагъанг тешилмей.

Муху да башында бителле дейле,
Таулада битиучю балийле,
Мен джыламайын къалай этейим
Адам зор джетгенди Алийге.

Кюнюне эки сагъат окъутуучаненг, Алий,
География картадан,
Мен баууруму ёрге алалмайма
Алий олтуруучу партадан.

Юйюгюзню арты биченлик, Алий,
Алийни аты аталсын,
Алийге болур болгъанды, Сюлемен,
Къалгъанларыгъыз джашасын.