Элия джарды кёкню мутхуз табагъын,
Кёк чартлады, бошлаб ачы тамагъын,
Минг тамакъдан сёлешдирди тауланы,
Джюрекперин къалтырата сауланы,
Ачхынчыгъа джабыб кёзню къабагъын,
Кёк джъшады, ачыб джер бла къаугъаны.

Кюч джетеди бир аякъ бла къоллагъа,
Сескекленед джюрек ачы тауушдан...
Къартны къолтукъ таякълары джоллагъа
Айтадъша хапар озгъан урушдан.
Мен кёреме узун таблы джаякъны,
Бир аякъ бла эки къолтукъ таякъны...

Джангурну уа къайдан болсун хапары,
Челекденча, къуяд джазгъы шахаргъа,
Джокъду къартха болущурча мадарым,
Аякъларым унамайла чабаргъа.
Джюрегиме себеб болур, джибисем.
Къарт, ышарыб, нек чабмайса, дейди, сен?

1980 дж.