Ит джокъ джерде тюлкю кибик юргенин
Сезсе да OJ1, джашыраед кесинден.
Джылла озуб, ол болумгъа юрениб,
Айгъакъ болуу къоркъуу кетди эсинден.

Заман оза, къуру къалды хорламдан,
Кюн таякъ да садакъ болду бетине,
Хар сёз ташча келиб тийди сыртындан,
Кюлтюм сала джюрегине, этине,..

Джашлыгъында байракъ кибик чайкъалгъан,
Къайда къалды болур ашхы мураты?
Акъ умуту чакъырса да джулдуздан,
Учалмады, сыннган кибик къанаты.

Чачалмады къабыргъасын заманны,
Бой салалмай ириятлады джазыуну.
Шош эшитилди джарыкъ джыры Къобанны,
Сезген кибик джюрегинде бущууну.

Халкъ гырджындан тоялмагъан заманда,
Тогъуракъгъа «поэт» атны алыргъа
Къыйын тюлдю. Болмаса уа ол къанда,
Мадар джокъду назмучулай къалыргъа.

1981 дж.