Эзоп да, Крылов да, Ислам да чабыб,
Джазыкъ бёрюню сыртындан салыб,
Тюйдюле тамам. Ант-кърал этди,
Джукъгъа тиймезге сёз бериб, кетди.

Бёрю терисин тешгенди бёрю,
Орнуна къаблаб бир тюлкю тери,
Сёлешген сёзю адам тилдеди,
Тюерге кёзюу энди биздеди...

Тюйюб сыртындан салыргъа — дейбиз,
Тюлкю терисин алыргъа — дейбиз,
Джетерик эсек да биз къамагъа,
Анга джан басад бюгюн джамагъат.

Джамагъат къобмайд бек ач болгъунчу.
Ачыудан кёзю къандан толгъунчу.
Бёрю уа халкъны ташада джыртад,
Чот былай барса, чыгъар къазауат.

1981 дж.