Эмилик ат кибик хыны заманнга
Тынч тюл эди джюген салыб миналгъан,
Кёбге къыйынд джыгъылмайын баралгъан,
Джангы хали киргинчиге ма анга.

Джукъланмагъанд кюреш отну къарыуу,
Джилтинлери окъла болуб чачыла...,
Алкъын хыныд заман — атны барыуу,
Юренмегенд, башласа да ачыла...

Марджа джашла, джыгъылмазча тутайыкъ
Заман-атны джюгенинден, джалындан,
Ётерикбиз энтда отдан, джалындан,
Аман къылыкъ алдырмазча къатайыкъ.

Джууаблыбыз хар сабийни аллында,
Къаллай атха миндирликбиз аланы?!
Сынамайыкъ бирибиз да джашауда,
Атасына айыб этген баланы!

1985 дж