Биз къайры барабыз? Къайдам...
Онг джокъ, сол джокъ, тюз джол къайда?
Джол бошалмай, чегебиз уллу азаб!
Тирмен чархча, орнубузда
Бурулабыз, къолубузда,
Чархыбызда, башыбызда джокъду зат.

Кюнча узун болур сагъат,
Джолдан аджашса джамагъат,
Ит аягъынлай болурла билгичле!
Магъана уа джокъ аладан,
Келиб башха дунияладан,
Джол кёргюзюгюз, къарнашла, эгечле!..

«Онгсуз» деб сёз болмаз сизде?
Джашайдыла кёбле бизде,
Тарыгъыргъа тёре табмай къыйнала.
Кёкге къараб сакълайбыз биз.
Тот болдула кёзлерибиз,
Келллик эсегиз, келигиз, зийнала!

1985 дж.