Чабакъ джаны саудан
Къутулгъанча аудан,
Дерсден келди Таулан,
Аны ызындан—Маулан,,
Мычыб келди Заудан.

Алай айтад Таулан:
«Оу маджалды шаудан!»
Даулашады Маулан:
«Шау маджалды оудан!»

Акъыл токъмакъ—Заудан,
Кёлекчиги—лаудан,
Гырджын бла джаудан
Тоюб, къачды даудан.

Сора, барыб Заудан,
Къойчукъларын саудан
Чыгъаргъанды баудан,
Джыртсынла деб къаудан.

Сыртлыкъ саръщ саудан,
Къойлары бла Заудан,
Узакъ кете баудан,
Къараб къалды таудан.

Къачны сары лаудан
Кёлегичад къаудан.
Иш баджарад Заудан...
Не бард тели даудан?

1974 дж