Индиш — Башында, Ахмат деб бир марачы джашчыкъ айтхан хапаргъа кёре джазылгъан джырчыкъ.

Школдан келиб, Аппагъа:
«Аллах нету»—дейд Ахмат.
Anna, элтиб ташагъа,
Къуйрукъчугъун къыздырад.

Ахмат хахай этеди...
Anna айтад Ахматха:
«Джаханимге кетеди
Джокъду деген Аллахха!»

Anna: «Тоба де!»—десе.
Тоба! Тоба!—дейд Ахмат.
Эртденбла школгъа келсе:
«Аллах барды!»—деб айтад.

Устаз, сала мюйюшге:
«Аллах нет!..»—деб къычырад.
Джетмесин, —деб,—тюйюшге,
«Аллах нету!»—дейд Ахмат.

Устаз—чёгюч, Anna—тёш,
Ахмат—эки арада,
Къалай этсин Ахматчыкъ,
Къайры къачсын Марадан?!

1974 дж.