Тюзюн айтсам, билялмайма бюгюн мен,
Ол кюнледе джюрегиме кименг сен?
Сагъышымда безий, кесим къурагъан
Суратменг сен, тюшменг, не уа тюнменг сен?

Ким эсенг да, джаша бюгюн сау-эсен!
Бир кёзюуде сагъыш эте тебресем,
Кёз аллыма къарамынгы келтирсем,
Табалмайма бу соруугъа джууаб мен:

Ким биледи, сюемединг сен мени,
Сюеме деб, алдаймединг кесинги,
Огъесе уа, этген кёзбау муратынг,
Сейир болуб, джесирлеймед эсинги?

Мен а кечим нек салама хар ненге,
Джашлыгъыммы кетди сени биргенге,
Ол джылланы сюймекликден бек сюйюб,
Къайтарсанг деб, тилекчимеми сеннге?

1979 дж.