Тойчуларым, сиз ойнагъыз, кюлюгюз,
Кюнден кюннге жарыкъ болсун кюнюгюз.
Усталыкъны къалдырмайын билигиз,
Барыбыз бирден тесейик, жюрюгюз!

Сиз барасыз къымылдамай сюзюлюп,
Башха болмай, зурнуклача, тизилип.
Бек ариу тепсейсиз, къууанып, кюлюп,
Мудахлыкъ тайсын, тамыры юзюлюп.

Къарап, усталыгъызны кёреме,
Бек къууанып, сизге махтау береме.
Тепсеу – дунияны къууанчыд, сезгенме,
Сизни ючюн бу сёзлени тизгенме.

Ма биз да, сизни кибик, жаш заманда
Айланыйчу эдик къошда, маллада,
Жарлы жалчыны тюйюл эди мал да,
Байны, бийни эдиле тепсеу, той да.

Бюгюн а той, къууанч да бизнидиле,
Бюгюн кийим да, аш да бизнидиле,
Бюгюн жыр да, назму да бизнидиле,
Бюгюн халкъла къардашдыла, тенгдиле.

1938