Къарангыны кюню къара,
Ишинде болур ауара,
Билмез исполкомгъа бара,
Бу затха сен иги къара.

Билимден ахшы зат жокъду,
Билгенни жюреги токъду.
Билим душманлагъа окъду,
Андан къачхан – жокъдан жокъду!

Билим тауланы тешеди,
Жарыкъ жашауну эшеди,
Билимни сейир кючюнден
Къышхыда алма бишеди.

Билим ат болуп чабады,
Къуш болуп, кёкде учады.
Чабакъча, тенгиз тюбюнде
Батхан кемени табады.

Билим бизге жолну керир,
Билим бизге насып берир,
Ленинни окъууу бла
Сокъур кёз дунияны кёрюр!

Осуятым хар къардашха:
Заманны жиберме бошха!
Билим – дуняияны жарыгъы,
Керекди ол къартха, жашха.

1926