Немец, Румын киргендиле,
Тартып алалла кёзюннгю.
Алгъын жашла кетгендиле,
Кимге айтайым сёзюмю?

Къурадыла асмакъланы,
Жыядыла жасакъланы,
Тёгюледи адам къаны,
Къыйналады анга жаным.

Тартып, шкок атар къалмай,
Айтып, сёзю батар къалмай,
Жарлы халкъгъа не кюн келди,
Жаханим да болмаз аллай.

Кёп болгъанды безиуюбюз,
Къалмагъанды тёзюубюз,
Бузулгъанда тизиуюбюз,
Къайтыр алгъын кезиуюбюз.

Къайтыр алгъын кезиуюбюз,
Бугъуп къалмайыкъ биз,
Жалдатлагъа келир ёлюм,
Сау къалгъан аны кёрюр.

Ишленирле журтларыбыз,
Этилирле тойларыбыз,
Жау бетинде жунчумайыкъ,
Барына тёзюп турайыкъ.

1942