Келсенг, сен эски юйюмю кёрюрсе,
Мени эски гюрбежиме кирирсе,

Мени къалай жаъгъанымы билирсе,
Сен, жашым, Къайсынча «тели» тюйюлсе.

Къадырлагъа минип, ёрлербиз элге,
Назмучу, тохтамай, барады ёрге.

Хар адамгъа жюрек бла къан бирди,
Назмучугъа назму бла жан бирди.

Назмучу назмучугъа къарындашды,
Аны ангыламагъан назмучу бошду.

Темир ишлейме, назмула жазама.
Акъсакъ болсам да, сизни озарма.

Лакъырданы кертиге тергемегиз,
Къарт сылхыр болгъанд, махтанад демегиз,

Лакъырдасыз – душманыбыз жашасын,
Жарыкъ сёзсюз – бизни жауубуз къалсын.

Жарыкъ сёз – юйде чыракъ кибик жанад,
Жарыкъ сёз – жашауубузну жарытад.

1940