Ворошилов – жигит батыр,
Сау халкъ билед аны атын.
Тийгенни аман ууатыр,
Арталлы да этмез хатыр.

Урушургъа бир да сюймез,
Къатылгъанны саулай иймез,
Къатылмагъаннга уа тиймез,
Къоркъуп бир да къайгъы киймез.

Душманларыбыз къарайла,
Чолабызны бек сурайла,
Ёлтюрюулени къурайла,
Мюйюшледен да марайла.

Биз да алай бош турмайбыз,
Кесибизни бек къурайбыз.
Келгенлерин биз къырырбыз,
Аякъларын учурурбуз!

Ууатырбыз келгенлерин,
Унутдурурбуз билгенлерин!
Жилятырбыз кюлгенлерин,
Чиритирбиз ёлгенлерин!

Хайда, болушлукъ берейик,
Жигит жашла жиберейик.
Битеу халкъны кётюрейик,-
Къызыл Аскерни кючлейик.

Къарт акъсакъал бош жансамаз,
Ётюрюк айтыргъа болмаз.
Ворошилов аллындады,-
Аны аскери хорланмаз.

1938