Сары эрикни сыныб тургъан бутагъына къарайма,
My ал болгъан чапракъланы къолум бла сылайма.

Энди ма бу джарыкъ тангны сыннган бутакъ сынамаз,
Кёгет салыб, къач айында къагъылырын сакъламаз.

Анга джашау чагьы деген энди келмез джол салыб,
Чириу деген ёмюр тёре аны теблер онг алыб...

Эй, азмыды бу бутакъча озгьун къолдан ачыгъан?
My ну кибик, къайырылмай, аякъ тюбге атылгьан?

Тынч тиширыу, зарлыкъ джетген, къарт, онгсуз, тюйюлген,
Бу бутакъны сизге ушатыб мыдах болдум кёлюмден.

Къарт Сымайыл сюеледи хуна ташха таяныб...
Орамны уа халкъ барады ёз ишине сагьайыб...