Ким къаллыкъды ёлмегенлей ма бу джерде?
Барыбыз да кирликбиз къара кёрге...
Джазыу джетер, чачар, атар, урур, джыгьар,
Бюгюн сауну барысын да джерге быргъар.

Джер дегенинг - тоюнгмагъан адам салдан...
Аджал деген - сау тулугьа мухур салгьан...
Кёкде джулдуз джукъланнганы керти эсе,
Кёк ачыуну сынарыкъды ма бюгече.

Джан нёгерим, салыб сени тар къабыргъа
Къартла бла олтурушдукъ къуу тыбырда.
Элчилеринг бёлек-бёлек келедиле,
Юйдеганге къайгъы сёзню бередиле.

Белгили эд халкъ арада сыйлы атынг,
Джарашыу эд хар бир тёрге нюр къууатынг,
Тутхан ишинг битиучен эд юлгю болуб,
Джашай эдинг аджашханнга белги болуб.

Эй бу джылау сени джерден сыйыралмаз!
Деу кючю да сени андан къайтаралмаз!..
Бой салайыкъ... барыбыз да джоюллукъбуз...
Барыбыз да чынгыл джардан къуюллукъбуз..