Минги Тау кёргенмисе, айтчы, шохум, сен?
Ийнан сора болгъанынга насыбынгдан кем.

Минги Тауну бир кёрмеген мийиклик билмез,
Махар суудан бир ичмеген сусабын кесмез.

Кел барайыкъ тубан джатхан акъ къаялагъа,
Андан сора тигелейик чегет чатлагъа.

Гелеу кырдык отлаулада малгъа къарайыкъ,
Кюмюш шоркъа Къобан сууда чачны тарайыкъ.

Танг алада сюрюучюге салам берейик,
Андан озуб ёзен таба, элге келейик...

Сен кёрюрсе Къарачайны чурумун, тоюн,
Таулу халкъны тау этекде борбайын, боюн.

Бу джерледе мурат толад, тюзелед иннет,
Шохлукъ борчха ажымсызды къарачай миллет.

Кел созма да, джол усталыкъ этейим санга,
Къарачайны берекети джарашыр джаннга!