|
Ёзденланы Альберт - Чолпан. |
Солдатны басдырдыкъ Джёгетей элинде.
Бюгюнлю джюрегим эсгертеди кесин.
Ашыкъсам да юйге, джыйылдым ингирде,
Кесекге бешикге бёлюнннгенди эсим.
Джукълагъанды рахат туудугъу атамы,
Ышарады ол шашмай ушаб кесиме.
Насыблыма къалай! Даууру элияны
Къартаймаз къайгъыны чакъырды эсиме.
Бешикде балачыкъ, илгениб элиядан,
Уянды, джъшады, джукълады джангъщан,
Хапарсызды джашчыкъ огъурсуз дуниядан,
Хапарсызча солдат бегиген сандыкъдан.
Солдатны анасы сандыкъгъа къабланды,
«Ой, Аллах, аяусузса!» — деб эс ташлады,
Къарнашы анасын кёлтюрюб атлады,
Эгечи къалтыраб сарынын башлады.
Ауузундан сёзю чыкъмай тургъан атасы,
Ол сюйсе да атача туугъан баласын,
Оялмаз таулада намысны къаласын,
Тёзюмю миллион джылауну багъасы!
Бетими сылатама бала талпыугъа,
Бурулады хойнухча тиним тёгерек.
Солдатны атасыча джарсый бущуугъа,
Бешикде джашчыкъгъа къайгъырады джюрек.
1986 дж.
|