|
Ёзденланы Альберт - Чолпан. |
Базыкъ, семиз умутладан гамайыу
Сагъышымы ёнгечине джетеди,
Кёб да турмай, белгисизге аджайыу
Тынчлыкъ бермей, ол джол кёллю этеди.
Къайры баргъын, къайда насыб излегин?
Кимге керек зор дунияда джъшаулу?
Ким баджарыр онгсуз халкъны тилегин?
Адам улу некди былай къыяулу?
Бошуна уа ким этеди игилик?
Халкъны азат этген болад халкъгъа хан!
Джокъду бизге алтын къала ишлерик,
Ишлеген да болур бизге джюйюсха'н!
Сагъышымда джууаб излеб, аламны
Аулаб чыкъдым, онгсуз болдум баладан...
Минг къатха да къошу игид адамны,
Биреу ишлеб берген алтын къаладан!
Къошубузну бегитейик кесибиз,
Онглуракъдан джанлай болур палах да?
Кишиден да сакъламайыкъ бир джукъ биз...
Къарыусузну сюе болмаз Аллах да?
1983 дж.
|