|
Ёзденланы Альберт - Чолпан. |
Къаралгъанды хауа зорлукъ букъудан,
Кёрюннюкдю джау аскерни сынджыры.
Марджа джашла, уяныгъыз джукъудан,
Уятыгъыз халкъыбызны къычырыб!
Ойрасы:
Тилибиз,
Динибиз,
Джерибиз
Ючюн, биз
Бюгюн сауутланыб,
Турмасакъ ёрге,
Тамбла тобукъланыб,
Кирликбиз кёрге!
Джалыннган бла къаллыкъ тюлбюз джауладан,
Къарт да, джаш да сауутунгу джаугъа бур!
Кёл табайыкъ бу къадама тауладан...
Тюзлюпобюз ючюн Аллах болушур!
Ойрасы.
Халкъыбызны къурутургъа келгеннге
Къурутайыкъ кечим салгъан адетни!
Халкъын азат этер ючюн ёлгеннге
Ачыкъдыла эшиклери джандетни!
Ойрасы.
Сатлыкъланы миллет кечмез ёмюрде!
Бирлик болсун бизни ёмюр антыбыз!
Бир болмасакъ, энди келлик ёмюрде,
Ёлген халкъгъа айтыллыкъды атыбыз!
1992 дж.
|