Атомы туудукъчугъу Фатимачыкъ уллучукъ болса, джазыуу бу джырны анга атаб джырлар деб, ышанама.
Тазалыкъгъа, мийикликге
Чыкъгъанма мен — сюймекликге!
Тин таламда гюлле чагъа,..
Ала — саугъам Фатимагъа!
Ойрасы:
Фатима-тима-тима, Фатима!
Къошулуб ариу атынг антыма,
Сюеме! — деб къычырсам мен,
Кел! — деб сени чакъырсам мен,
Чокъуракъ мияла
Кибик буз къаяла,
Къайтаралла манга джууаб,
Джанларына таба сууаб!
Джашил сыртда къызыл гюлюм,
Чууакъ кёкде алтын кюнюм,
Пайгъамбарны къызы атлы
Фатимады — джандан татлы!
Ойрасы.
Гезох улу Бийнёгерлей,
Мен мийикден-мийик ёрлей,
Тюшалмайма энди джерге,
Адамым джокъ, секир — дерге.
Ойрасы.
1987 дж.