Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Заман

Къарачай халкъны эл берген джомакълары

Дуния

949.
Бир джибим барды да,
Сайлаб учун джыялмайма.
(Джыл.)

950.
Аууб тургъан бир терек,
Ол терекде — онеки бутакъ,
Хар бутакъда — тёрт чапракъ.
(Джыл,аила,ыйыкъла.)

951.
Бир терегим барды да:
Аны тёрт айрысы барды,
Хар айрыны юч бутагъы барды,
Хар бутакъны отуз чапрагъы барды,
Хар чапракъны: бир джаны— къара,
бир джаны — акъ.
(Джыл,чакъла,аила,кече, кюн.)

952.
Бир терекде — онеки бутакъ,
Хар бутакъда — отуз чапракъ,
Хар чапракъны: бир джаны — къара,
бир джаны — акъ.
(Джыл,аила,кюнле,кече,кюндюз.)

953.
Онеки къуш,
Элли эки чаука,
Ючджюз алтмыш беш чакъынджик
Бир гаккы табхандыла.
(Айла,ыйыкъла,кюнле,джыл.)

954.
Онеки къанатлы учхандыла,
Была тёрт къауумгъа юлешиннгендиле,
Хар къауумда юч къанатлы барды,
Хар къанатлыны тёрт къанаты барды,
Хар къанатда джетишер тюк барды,
Хар тюкде 24-шер къуучукъ барды.
(Айла,чакъла,ыйыкъла,кюнле,сагъатла.)

955.
Джети къарнаш:
Кетселе да — тизилиб,
Келселе да — тизилиб.
(Ыйыкъда кюнле.)

956.
Амма атылыб келди да
Къара кийизни юсюбюзге джабды.
(Кече.)

957.
Къара ийнек стауатны кючлей.
(Кече.)

958.
Акъбет бийче агъарыб келди да,
Джууургъанны юсюбюзден алды.
(Танг джарыкъ.)

959.
Таудан атдым Махаргъа,
Бурундугъу тийди шахаргъа,
Шахар зпшк ачылды,
Бетине кюрен чачылды,
Кюренмеди, кюнмеди, —
Аны киши билмеди.
(Танг атхан.)

960.
Той бошалды да,
Ала кийиз ортада къалды.
(Танг атхан.)

961.
Биреу сюйдюре,
Биреу кюйдюре.
(Джай благ къыш.)

↑ Наверх ↑ | Содержание | Табигъат | Джер хазнала

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 701 | Теги: Заман

Всего комментариев: 0

Карачаевцы и балкарцы

Статьи