Пятница, 29.03.2024, 01:39

Карачаевцы и балкарцы

Алма терекде кертме битмез.
Полезные ссылки
  • Архыз 24Круглосуточный информационный телеканал
  • ЭльбрусоидФонд содействия развитию карачаево-балкарской молодежи
  • КъарачайСайт республиканской газеты «Карачай»
  • ILMU.SU Об аланах, скифах и иных древних народах, оказавших влияние на этногенез народов Северного Кавказа
Последние комментарии
04.01.2024 | 17:10 | Единая символика алан
Тут кто то про черкесов пишет и кипчаков не зная наверняка что черкесы были Кипчаками а адыги рабами кипчаков черкесов.
26.10.2023 | 15:14 | «Сборная команда Балкарии»… в Киргизии
Напишите на электронный адрес amb_76@mail.ru
25.08.2023 | 19:07 | 4. АРИУ САТАНАЙ
Аланская (осетинская) княжна Шатана, выданная за правителя древнеармянского Урарту (3 век до новой эры), в знак примирения после длительной войны, которую вела против армян коалиция кавказских племен, с аланами во главе.
25.08.2023 | 19:03 | 4. АРИУ САТАНАЙ
Далеко прославлена мудростью и красотой прекрасная обур Сатанай-бийче!
25.08.2023 | 10:56 | 13. ЁРЮЗМЕК БЛА ФУКНУ КЮРЕШЛЕРИ
Ёрюзмек - нартланы атасы!
14.08.2023 | 12:16 | 48. СОСУРУК В ИГРЕ С КОЛЕСОМ
Балкарцы и карачаевцы - самые гуманные на всем Кавказе! Только у них Сосрук исцеляется и снова становится первым из нартов!
05.08.2023 | 12:27 | 6. ЁРЮЗМЕКНИ ТУУГЪАНЫ
Нартны бий нарт Ёрюзмек!
05.08.2023 | 12:14 | 6. РОЖДЕНИЕ ЁРЮЗМЕКА
Величественно!
30.06.2023 | 17:54 | КАРАЧАЙ И БАЛКАРИЯ В РУССКО-КАВКАЗСКОЙ ВОЙНЕ
Некоторые кабардинцы ошибаются утверждая, что Кучук Каншаов и Нашхо Мамишев были кабардинцами. Нет, оба они балкарцы. Потомки Нашхо окабардинились, но самого Нашхо это не делает кабардинцем. Потомки сами свидетельствовали о своём происхождении от таубиев.
17.05.2023 | 08:45 | Единая символика алан
К текмету вы не имеете ни малейшего отношения...

Статьи

Главная » Статьи » Материалы библиотеки » Общие 1

Феридун Къоркъмаз
Адилхан Адилоглу
АТА ЖУРТНУ ИЙНАКЪЛАП ... (Тыш къыраллада къарачай-малкъарлыланы назмулары)
С ЛЮБОВЬЮ К РОДИНЕ ОТЦОВ... (Сборник стихотворений авторов карачаево-балкарской диаспоры)
Биттирова Тамара Шамсудиновна

Феридун Къоркъмаз

Феридун Къоркъмаз 1969 жылда туугъанды. Белпинар элде Къоркъмазланы Акъчыкъ Исмаилны юйюрюнде алты жашны эм гитчесиди. Эржиес университетде инженерге окъугъанды. Эскишехирде ишлеп тургъанды, ахыр 16 жылны ол шахаргъа жууукъ Бозюйюк деген жерде жашайды, керамика заводда бёлюмню таматасы болуп ишлейди.

Назмуланы эки тилде жазады. Тюрк тилинде жазгъан назмулары тюрлю-тюрлю назму жыйымдыкълагъа киргендиле.

Къарачай

Бармыды сенден сыйлы жамагъат,
Тюз болуп, аманлыкъ билмеген?
Хар билгенине игилик тилеген,
Мени иги кёллю, сыйлы Къарачайым!

Тынч бол сен хар эки дунияда,
Тау сени бла, кёк сени бла болсун.
Башха жамагъат ёрге турсун,
Сени сыйынга, сыйлы Къарачайым!

Намысынг башхад, хатеринг башхад,
Хар затынг бир башха аламат,
Къыйынлыкъ кёрген, игиликни билген,
Мархаматлы, жигит Къарачайым!

Минг миллетде билирме сени,
Ёнюнг башха, сёзюнг керти,
Чачыу-къачыу санга жетди,
Адет-намыс билген, сыйлы Къарачайым!


Жылла озса да...

Жылла озса да, ары-бери кетип кюнле,
Тансыкъ болсам, къарар бетим сени жайынга.
Эрттед десенг, сюймеклигиме кертиме,
Айлансам, ай болсам тёгерегингде,
Жулдуз болсам, тайсам ёргелеге,
Ант этсем, сени энди сюймезге,
Ийнанма манга, алданма сен да.

Жилягъан этсенг да артымдан,
Хеп да тик тур мен билгенча,
Къайгъы этме, мен урушха кетгенча,
Къууатлы бол, мени къатынымча,
Къайры кетсем да, тюшерик тюлсе кёлюмден,
Къайры барсам да, от боллукъса кёлюмде,
Энтта бирчик къара бетиме,
Хеп да тик тур, мен келгинчи юйюме...

19.11.2012


Абам

Кюн къарангы болса, абам, сен барса,
Жылтырап тураса къатымда кюнча.
Сенсе анамы жартысы, билеме,
Аныча ариу айтып хеп манга.
Мархамат хар сагъатда сенде кёпдю,
Суу кибиксе, аман да кёрюндюмю?
Женгил жетерсе, отну ёчюлтюрсе,
Анамча ичинге таша тюшдюмю?
Былайда бард бир юйюнг да билесе,
Хар жерге жетер ариу жюрегингде.
Жюрегинг да тынч болсун хар сагъатда,
Къыйналма хеп юйюнге да, бизге да.
Къарнашынг билки хеп къатынгдад сени,
Кёрсе, кёрмесе жюрегингдед жери,
Халал болсун хакъым санга,
Абажым, ёптюм о мюбарек эли...(Эгечим, сени багъалы къолунгу уппа этеме (тюрк тилде).)


Юч абама чам назму

Тейри, къызларыбызны барын
Жыйып урлап, кетгендиле.
Неда барын да аналары
Къол бла эрге бергендиле...

Тюшген болурла къыйыр эллеге,
Компьютор угъай, ток болмагъан.
Огъурсуз къайын аналары
Баш кётюрюрге къоймагъан...

Аны себепли сен жашыракъ,
Устаракъ бираз сёзге да,
Жандыр тёгерекге чыракъ,
Тап къызла, къайдан болса да...


Ётюрюкчю

Ётюрюкден ким ёлгенд деп турурса,
Жылтырамагъанны жылтыратырса,
Сюеме десенг, айт, кёлюн ким берир?
Алдагъан ишинг болгъанд, чапдыр хайда!
Эки бет бир жерде турмаз, билесе,
Бири тюз айтса, алдайды ол бир да,
Аузунгдан чыкъгъанны эшитмегенлей,
Ётюрюкчю болгъанын да кёресе,
Ётюрюк айтхан жангылыч шарт болса,
Алдар урушда бла барышдыргъанда,
Къатыны была да аман болмаз да,
Жаратхан гюнях жазмаз о сагъатда,
Ётюрюкчю болгъанны билсе херкес,
Сабийле бла тенг этмез кесин а,
Хайда! Маржа тюз киши бол энди,
Иги бла билирек, десин жамагъат да.

22.06.2012


Ата журтум

Артдан келдим дуниягъа,
Урус бла урушха
Шамил бла биргелей
Жеталмайын да къалдым.

Таулум кёп къыйналды да,
Кёзюм, кёлюм жылап да,
Энди къарт атамы да
Кёралмайын да къалдым.

Тукъумум, жууугъум да
Жартысы анда-мында,
Кел деп чакъырдыла да,
Баралмайын мен къалдым.

Дуния къазауат болса,
Къууатым сыналса да,
Энди ата журтума
Жеталмайын да къалдым.

Феридун Коркмаз: Кавказдан келген къарт атам Мурат Къоркмазгъа Къавказда туугъан эммим Баттал Йилдырымгъа багъышлайма. 13.05.2010



Жашырдым

Къара акъгъа тансыкъ болгъанча,
Мен да алай тансыкъ болгъанма.
Санга эшитдирмейин бир да,
Таууш этдирмейин санга да.

Ма алай сюйгенме сени да,
Уялмайын бир да, тартынмайын,
Чабарыкъ тюйюлме артынгдан да,
Билесе мени. мен къаллайма.

Къыйын этериксе, сюй мени.
Хуна жыкъгъанча, жыгъарыкъса,
Къыйналлыкъ тюйюлсе, биле манга.
Кюн боллукъ тюйюлсе, эрттенбла да,

Жангур болуп да жауарыкъса,
Жылагъаным кёрюллюк тюйюлдю.


Шауданым

Тюбегенимде къууаннган эдим санга,
Артдан ушатдым сени шауданнга.
Ой ариуум, кёралмайын сени,
Хайран болгъанем керти да керти.

Кёз тиймейин кёп эсен жаша,
Мени бла бир ёмюр атла.
Жылтырагъан бетинге къараялмайма,
Уялма, ариуум, айтама къатлап.

Тауладан тюшген татыулу сууча,
Шауданым, аллайд бу санга суусабым,
Сора мен да уялмайым айтыргъа, -
Кел, сюеме, нёгерим бол жашауумда!
Категория: Общие 1 | Добавил: drxblack (22.03.2016) | Автор: Биттирова Тамара Шамсудиновна
Просмотров: 924

Всего комментариев: 0
avatar