| Каким видом Спорта увлекаешься (увлекаетесь)? | Сен (сиз) спортну не тюрлюсюн сюесе (сюесиз)? |
| Я увлекаюсь футболом с детства. | Мен футболну сабийликден бери сюеме. |
| В какую команду входят спортсмены вашего университета (колледжа, техникума)? | Сизни университетни (колледжни, техникумну) спортчулары не командагъа киредиле? |
| Кто самый лучший игрок вашей команды? | Сизни командада бек иги ойнагъан кимди? |
| Пойдем(-те) со мной на стадион «Спартак». | Кел(-игиз), мени бла «Спартак» стадионнга барайыкъ. |
| Что там сегодня интересного? | Анда бюпон не сейир зат барды? |
| Там сегодня состоятся соревнования по бегу, прыжкам, метанию диска. | Анда бюгюн чабышыудан, секириуден, диск быргъаудан эришиуле боллукъдула. |
| Завтра там состоится футбольный матч. | Анда тамбла футбол ойнарыкъдыла. |
| Какие команды встречаются? | Къайсы командала тюбеширикдиле? |
| Команды «Спартак» и «Зенит». | «Спартак» бла «Зенит» командала. |
| Каков результат игры? | Топ оюн къалай бошалды? |
| 2:0 в пользу «Спартака». | «Спартак» 2 : 0 эсеп бла хорлагъанды. |
| Я был в альпинистском лагере. | Мен альпинист лагерьде болгъанма. |
| В Кабардино-Балкарии должно быть много альпинистов, ведь здесь кругом горы. | Къабарты-Малкъарда къаячыла аслам болургъа керекдиле, нек дегенде, мында таула кёпдюле. |
| Альпинисты любят величественную природу. | Къаячыла табийгъат деменгилигин сюедиле. |
| Давно ты (вы) занимаешься (занимаетесь) альпинизмом? | Сен (сиз) къаячылыкъ бла эрттеденми кюрешесе (кюрешесиз)? |
| С 1985 года. | Минг тогъуз жюз сексен бешинчи жылдан бери. |
| На какую вершину ты (вы) совершил(-и) восхождение? | Сен (сиз) къайсы таугъа чыкъгъанса (чыкъгъансыз)? |
| Я поднялся на вершину Эльбруса. | Мен Минги таугъа чыкъгъанма. |
| Какие горные вершины тебя (вас) привлекают? | Сен (сиз) къайсы тау башланы жаратаса (жаратасыз)? |
| Меня привлекает Дыхтау. | Мен Дыхтаугъа эс бурама. |
| Какова высота этой горы? | Ол тауну бийиклиги неллай бирди? |
| 5204 метра. | Беш минг эки жюз тёрт метрди. |
| Я думаю совершить восхождение на эту вершину в ближайшие годы. | Эки-юч жылдан мен ол таугъа чыгъаргъа умут этеме. |
| Скажи(-те), как доехать до альпинистского лагеря «Шхельда»? | Къаячыланы «Шхель-да»/«Ишхилди» деген лагерьлерине къалай барыргъа боллукъду? |
| Какая команда заняла первое место? | Биринчи жерге къайсы команда чыкъды? |
| У вас в Кабарино-Балкарии очень развита борьба. | Сизде, Къабарты-Малкъарда, тутуш спорт иги айныгъанды. |
| В вашем городе (селе) есть сильные борцы? | Сизни шахарыгъызда (элигизде) къарыулу гёжефле бармыдыла? |
