Джайны кюнлери исси болады,
Кюннге кюедиле санларым,
Джюрегими джауун ашаб барады
Гоккакёз ариу Балданым.

Джайны кюнлери исси да боладыла,
Мен ёлейим да къалайым,
Ариулугъуна сёзюм да джокъ эди
Адамлыгъын кимге сорайым.

Адамлыгъында несин сораса,
Ашаса уллу къабады,
Эсине тюшее, орамгъа чыгъыб,
Джалан аякълай чабады.

Джалан аякълай чабмайын не этсин,
Тас болгъанды аны башмагъы,
Тёрт сантиметрден артыкъ да барды
Къулакъ артыны къасмагъы.

Балданым тойда тебсей да билмейди,
Тоннга тигилген дженг кибик,
Ой-ой ашаб тойса аууб да къалады,
Оюлуб а тюшген гён кибик.

Ой-ой Балдан эски джамай да билмейди,
Ийнеге уа халы сууура,
Эртденден ингирте дери джетиб къалады,
Кюнде нартюхчюкле къууура.