Россияны ичинде
Тюзлюк ючюн туугъанса,
Джарлы халкъны юсюнден
Патчахлыкъны къуугъанса.
Уллу Ленин устазынг,
Уруннганланы ёкюлю,
Октябрда сен салдынг
Кенг джашаугъа кёпюрню.
Сени атынг айтылса,
Игиликни сакълайбыз,
Есюб джашау-ашауда
Эркин, таукел атлайбыз.
Джуртубузда къарасанг,
Къарты, джашы эм къызы,
Муратыбыз толады деб
Барысы сеннге ыразы.
Кёб совхозла салдырдынг къазахстан тюзледе,
Бурун зыраф, бош тургъан
Сибирь, Восток джерледе.
Бютюн джашнаб чыгъалла
Къол бла салгъан чегетле,
Бир юйюрча, къууанчлы
Уруналла миллетле.
Кенгеш оноу этеди
Сыйлы Ара комитет,
Ленин айтхан джол бла
Алдан алгъа бизни элтед.
Сау дунияда алчыла
Сенден юлгю алалла,
Талай бёлек тыш кърал
Социализм къуралла.
Чачылады, оюлад
Капиталлыкъ зор уя,
Емюрлюкге джашасын
Ленин къурагъан партия!