Илияс, Илияс, Илияс кетиб да барады
Аголаны да ол кеси да, джаным, юлюшге,
Къарабашланы да къара чууутлу -победи, сорады:
— Къайры да бараса, Илияс,кесинг джангызлай,
Келчин сен мени уллу Морхда къошума,
Келтирчи манга да биягъынлай бир сарыкъулакъ голчула.
Аланы бирин берейим мен Морхда, — дегенди,
Частка да джерими энди да сора борчуна уа.
Санга да эки нёгер къошайым, Илияс,
Аланы бириси Магулаланы да бир сабий Тууду, джаш Тууду,
Ол экинчиси да бу Чанкаланы Бий-Солтан.
Бий-Солтанны да ышанын мен айтайым.
Ол кеси да эшикге бир да чыкъмайды,
Эшикге чыкъса да намысына уялыб,
Къурулай къайтыб энди ол а келмейди
Энди да, джаным а, алай а сора не этейим,
Келчи, келчи бир уллу Морхда къошума деди,
О кече да барды аны къошуна,
Ол да кеси быллай сора хант этди,
Ала чаба энди, джаным, джорта,
Бири бирин къоюб къачмазгъа ант этди.
Уллу да Гегин а бойнуна сора бардыла,
Алай да Гегин а бойнуна сора бардыла.
Алай айтыб а Илияс кеси айтады:
Барчы сен о чакъда чалман тахсалагъа къараб кел — деди.
Мени танымагъан а уллу Гегинде
Уллу да джокъду энди да кичи къалмайын,
Ала уа мени бары таныйла,
Барчы сен о чакъда чалман тахсалагъа къараб кел —деди.
Чаба да джорта энди да Тууду кетгенди,
Тууду хеси да бир къысха барыб келгенди.
— Аллах-аллах энди да, джаным, Илияс,
Уллу да Гегинден(Гегин — бир джерни атыды.) биз мал элтмей, джан элтсек иги кёреем,
Гегин ичинде Гегин энди къазакъла
Салыб о сыйлы юйде ала ойнайла,
Джолда да джюрюген джолоучуланы къоймайла.
— Аллах-аллах энди да, джаным, деб айтды,
Къарабашланы да къара чууутлуну махтандыргъан Туудусу сенми эдинг?
Анамдан туугъанлы мен матухлукъну билмейме,
Аны ючюн мен бир аурумайма, ёлмейме.
— Эй, алай болса да келчин а джаным, Илияс —деди.
Гегин а къабакъладан сен къачмай ним къачса,
Ол къайтсын миннген атына сал болуб — деди.
Аларын азсыныб бир каиушкагъа кирдиле.
Окъ тийгенди Готман Илиясны белине,
Берекет берсин сабий Туудуну кёлюне.
Ай Илиясны да къоймайын сора чыгъарды,
Гегинни да ой алар ёрге келелле.
Илияс кеси да бир алай айтыб айтханды —
Мени былайда да, джаным, къоюгъуз,
Терлигими да джауурлугъуму тюбюме салыгъыз,
Джерими да башыма энди салыгъыз,
А джамчымы да юсюме энди джабыгъыз,
Малны къалдырмайын сиз а сюрюгюз — деб.
Илияс айтханны энди Тууду этгенди,
Малны да сюрюб а ай Тууду кеси кетгенди.